Яңы китап

"Донъя күләменә гректарҙан таралған был һүҙ беҙҙеңсә "үҙем яҙам" тигәнде аңлата".  Ниндәй һүҙ хаҡында икән авторҙың был яҙмаһы?

Әнғәм Хәбировтың "Юл ыңғайында" тип аталған баҫмаһында яҙыусының һуңғы йылдарҙа яҙылған әҙәби тәнҡит мәҡәләләре, ижади портреттар, матбуғатта донъя күргән шиғырҙарға күҙәтеүҙәр тупланған.

Билдәле шағирәләр Гөлназ Ҡотоева, Таңһылыу Ҡарамышева, Тәнзилә Дәүләтбирҙина, шулай уҡ  Салауат Әбүзәр, Рамай Ҡаһир, Зөфәр Вәлит һ.б. хаҡында ижади портреттар, "Ағиҙел" журналының 2017, 2019 йылғы һандарына ҡарата мәҡәләләр урын алған.
05.08.2022

Үҫмерҙәргә йәнле шиғырҙар

Урта йәштәге мәктәп балалары өсөн тәғәйенләнгән "Ил гиҙә Илгизәр" тип аталған шиғри йыйынтыҡ донъя күрҙе. Ринат Шакирҙың балаларса ихласлыҡ бөркөлөп торған ижады үҙенә ылыҡтыра һәм ятлап алыуға ла еңел генә. Рәссам Хаят Йәрмөхәмәтованың һүрәттәре был баҫманы тағы ла йәнләндерә һәм ҡыҙыҡлы итә. Авторҙың тирә-яғыбыҙҙың матурлығын, тормоштағы ысынбарлыҡты, көн дә осрай торған хәл-ваҡиғаларҙы үҫмер бала күҙлегенән күрһәтеүе был китапты балаларға яҡынайта.
04.08.2022

Вы ждали эту книгу!

Издание Лиры Ахмат-Якшибаевой "Земля - на всех одна" уже на полках нашего магазина.
Повести и рассказы, вошедшие в книгу, отличаются актуальностью, интересным сюжетом, воспитательным значением. Они учат видеть свет души в других людях, быть сильным духом и справедливым, не поддаваться трудностям, беречь природу, любить Родину.

В своем творчестве Л. Якшибаева большое внимание уделяет семейным ценностям, проблеме осиротевших детей. Писатель ценит патриотизм, честность, милосердие - и эти качества передает читателям через свое творчество.
03.08.2022

Өр-яңы китап - матур һәҙиә

Башҡортостандың халыҡ шағиры, Салауат Юлаев исемендәге дәүләт премияһы лауреаты Хәсән Назарҙың "Иманға инаныу" исемле был баҫмаһында шиғырҙары, поэмалары тупланды.
03.08.2022

Ишмөхәмәт сәсән тураһында роман-эссе

Мәүлит Ямалетдиновтың "Ишмөхәмәт сәсән" роман-эссеһында башҡорт халҡының XIX быуаттағы көнкүреше, шул осорҙоң тарихи ваҡиғалары яҡтыртыла. Төп герой Ишмөхәмәттең сәсән булараҡ формалашыуы, уның яҙмышы башҡорт халҡының шул дәүер солғанышында һүрәтләнә.
Роман халыҡсан тел менән яҙылған. Әҫәрҙә атаҡлы сәсәнде биргән күбәләк-табын ырыуына ғына хас ҡыҙыл диалектына ҡараған, онотолоп барған һүҙҙәр, мәҡәл-әйтемдәр урын алған.
02.08.2022

Күңелгә сихәт бирер китап

Гөлнара Хәлфетдинованың һәм Рита Фәтҡуллинаның ижадтары бер китапта нәшер ителде.

Гөлнара Хәлфетдинованың "Бәхет һурпаһы" исемле йыйынтығында йәшәү ҡәҙере, ватансыллыҡ, милли асыл хаҡындағы фәлсәфәүи шиғырҙары урын алды.

Рита Фәтҡуллинаның кеше күңеленең һынылыштары һәм балҡыштары сағылған ижад емештәре тупланған йыйынтығы "Ваҡыт сыңы" тип атала. Лирик герой эске донъяһындағы һәм тормоштағы ҡаршылыҡтар көрәше аша мәңгелек һорауҙарға яуап эҙләй.

Матур ижад шишмәһенең сылтырауын һеҙ ҙә ишетегеҙ, дуҫтар!
01.08.2022

Иң бәләкәстәр өсөн төҫлө әкиәт. Сказка для самых маленьких

Ҡояш ниндәй төҫтә? Еләктең төҫө ниндәй? Белемгә ынтылған, уҡырға яратҡан Айыухан менән бергәләп Тейенкәйҙән төҫтәрҙе өйрәнәйек. Гөлнара Мостафина "Айыухан төҫтәр өйрәнә" тип аталған башҡорт һәм рус телдәрендә нәшер ителгән әкиәттә ябай һәм хәтерҙә тиҙ ҡалырлыҡ итеп аңлатып бирә төҫтәрҙе. Артур Вәсиловтың һөймәлекле һәм йәнле һүрәттәре бәләкәс дуҫтарыбыҙҙың иғтибарын оҙаҡ ваҡытҡа йәлеп итер.

Китап беҙҙең магазинда.
01.08.2022

Бәләкәстәргә шатлыҡ

Башҡортса уҡырға өйрәнергә бик уңайлы булған, Гөлнара Йыһангированың эре хәрефтәр менән яҙылған "Бәхет ҡуласаһы" исемле матур һүрәтле китабын күрегеҙ. Автор балалар баҡсаһында оҙаҡ йылдар тәрбиәсе булып эшләй һәм донъяға кескәйҙәр күҙе менән бағып яҙылған шиғырҙарын тәҡдим итә.

Китап нәшриәт магазинында һатыуҙа. Бәләкәстәрҙе ҡыуандырырға ашығығыҙ.
30.07.2022

Мауыҡтырғыс әҫәрҙәр

Был китапты ҡулға алыр алдынан, әҙәбиәт һөйөүсе дуҫтарыбыҙ, кәңәшебеҙ бар: башта ғаилә ағзаларының тамағын туйҙырып алығыҙ, артабан плитәгеҙҙе һүндереп ҡуйығыҙ һәм берәүгә лә, тиҙ арала хәл итермен, тип вәғәҙә бирмәгеҙ. Сөнки ошо китаптың тәүге битен асһағыҙ, аҙағына тиклем уҡып бөтмәйенсә унан айырыла алмаҫһығыҙ! Иң яҡшыһы - ашығыс эштәрҙе теүәлләп ҡуйып, тыныс урында, аулаҡта иркенләп урынлашып уҡыу. Китаптың һуңғы битенә еткәс кенә ысынбарлыҡҡа әйләнеп ҡайтырһығыҙ.

Яңы авторҙарҙың - Мансур Һиҙиәтов, Риф Йөҙлөкбаев, Радик Әхмәтовтарҙың повестары - бер китап булып донъя күрҙе.

29.07.2022

"Шәп күстәнәс" һаулыҡҡа файҙалы

Венер Айҙар улының хикәйәләре ябай, халыҡсан тел менән яҙылған. Беҙҙең арала йәшәгән кешеләрҙең тормошондағы кәмселектәрҙе юмор аша оҫта биргән автор. Юморист фәһемле көлөү аша үҙ-үҙеңә тәнҡит күҙлегенән ҡарап, ҡайһы саҡ ығы-зығы араһында иғтибар итеп бөтмәгән етешһеҙлектәргә "күҙҙе аса" һәм яңырыу, яҡшырыу, камиллыҡҡа ынтылдырыр юлға "төшөрөп ебәрә".
28.07.2022